خواطر...

قلبي دم عليك يا بلادي، نبكي الدم عليك يا تونس، قدّاش ما عندكش الزّهر، علاش في ولادك ديما فمّا اليّ يحب يستغلّك و ينهبك بكلّ انانيّة. وين الاخوة، وين وقفة التونسي مع خوه، وين خوف التونسي عليك يا بلادي. ناس داها فلوس و سلطة، ناس نسات الاخرة و خسرت الدنيا. خفنا نهار اربعطاش جانفي مالكرتوش مالنهب مالموت، امّا قلنا هذاك اللّي يلزم ندفعوه باش تنجح الثورة. بش النّاس تصليّ في الجوامع من غير خوف، بش البطاّل يحس بروحو انسان و يعيش كريم، بش ننساو الاكتاف و الرشوة، بش نعيشو احرار.... خسارة.... خسارة دم الشهداء....مشا هباء.... بش يشيخ السبسي و المبزّع، الغنّوشي و الشابّي، المكّي و المرزوقي، بش يوليّ جغام مناضل، و فريعة منقذ و مرجان قايد، بش السلفيّن يحرقوا الاماكن المحلولة في رمضان و يقوموا بغزوات جديدة.... يا ربّي يا ربّ المستضعفين، إلى من تكِلنا، إن كان بك غضب علينا فلا نبالي....أنقذنا من هذه الفوضى... من هذا الإستغلال.... من هذا الكذب....